15 верасня 2016 года ў Дзень бібліятэк Рэспублікі Беларусь Цэнтр творчасці “Эверэст” г.Магілева ў рамках садзейніцтва з бібліятэкай-філіялам №9 правёў бібліявечарыну “Паўлінка запрашае” у гонар прысваення бібліятэцы імя Янкі Купалы. Мерапрыемства прайшло на базе самой бібліятэкі, дзе юныя чытачы апынуліся ў чароўным свеце паэзіі Я.Купалы, а акторы тэатра рабочай моладзі “Легіён” перамясцілі іх на старонкі сусветна вядомай п’есы пісьменніка “Паўлінка”. Музычную афарбоўку свята забяспечылі навучэнцы творчых калектываў Цэнтра, якія дапамаглі гледачам лепей уявіць і паглыбіцца ў дзеянне. У зале панавала цёплая атмасфера творчасці, натхнення, что дало штуршок для далейшага знаёмства з літаратурнай спадчынай славутага беларускага песняра.

Аўтар: Струновіч О.А., метадыст Цэнтра творчасці “Эверэст” г.Магілева